Состанок на групата на аеродромот во Скопје во 14.45 часот. Полетување кон Бари во 16.45 часот. Летот за Бари трае околу 50 минути, со слетување во 17.55 часот. Организиран трансфер со автобус до хотел. Слободно време за кратка прошетка и одмор. Ноќевање.

Појадок. По појадокот организиран разглед на Бари – пешачка прошетка низ тесните улици на стариот дел од Бари кои изобилуваат со сокаци и секоја од нив е со своја приказна. Улички испрелетени со голем број на сувенири, продавници од рачна изработка на накит, ткаенини и нивните препознатливи италијански тестенини. Прошетката ќе не води се подлабоко низ стариот дел од Бари каде на толку мал простор се лоцирани најпознатите одбележја како импресивната катедрала San Sabino, потоа Bazilika di San Nicola, големиот Храм изграден во 11 век каде се чуваат моштите на Свети Никола, заштитникот на патниците, морнарите и на децата. Целиот град е уметност сам по себе, посветен на религијата и на уличната уметност. По организираниот разглед, слободно попладне каде може да се направи кафе пауза или пауза за ручек да се вкуси прекрасната италијанска кујна на еден од плоштадите покрај море, од каде подоцна ќе може да се ужива во новиот дел од Бари. Да се почувствува контастот помегу старото и новото. Движејќи се покрај брегот и пристаништето на Бари се оди директно кон новиот дел на Бари Via Sparano главна улица за шопинг, со бутици и модни продавници и Corso Cavour. Враќање во хотел. Вечерта слободно време за прошетка и индивидуални активности. Ноќевање.

Појадок. Утрото со организиран трансфер ве водиме на незаборавно патување низ срцето на Пуља. Денот ќе го исполниме со прекрасни глетки, богата култура и трајни спомени. Ќе го отриеме шармот на Алберобело и мирната убавина на Локоротондо и прекрасните крајбрежни погледи на Полињано а Маре. Алберобело кој се карактеризира со прекрасни куќички „Trulli“, тука секој агол од селото, секое сокаче е исполнето со сувенир продавници, места од каде може да направите спектакуларни фотографии и прекрасни градини. По прошетката во јадрото од Алберобело имаме можност за кафе пауза. Попладнето се упатуваме кон Локороконто. Место кое изобилува со пријатни, мали погледи. Погледи кои го одземаат здивот, испреплетени улици направени од мали сводови, кој плени со својот уникатен шарм и мирна медитеранска атмосфера. Старото градско јадро е кружно, поради што градот го добил своето име, и е познато по белите куќи со шарени цвеќиња на прозорците, тесните калдрмисани улички и мирните плоштади кои повикуваат на прошетка. Локоротондо е совршена дестинација за оние кои сакаат да ја искусат вистинската Италија – далеку од туристичките гужви, со автентична култура, топло гостопримство и чувство дека времето тука тече малку побавно. Патувањето го завршуваме со посета на крајбрежниот бисе Полињано а Маре. Вдишете го морскиот воздух од неговите драматични тераси, изгубете се во стариот град како лавиринт и не пропуштајте ја можноста да го пробате препознатливото кафе на градот – збогатено со кора од лимон, шеќер, крем и малку амарето. Во договореното време враќање кон Бари. Ноќевање.

Појадок. Одјавување од хотелот. Слободно време за индивидуални активности. Ви препорачуваме прошетка до Матера ( со воз или автобус ) – град кој е изграден на варовнички карпи низ кој се протегаат безброј подземни ходници. Саси ди Матера – стариот дел на градот е под заштита на УНЕСКО, Сасо Барисано и Сасо Кавеосо прекрасни делови од градот кој се препорачуваат да се посетат поради прекрасната архитектура. Не ги пропуштајте и Пјаца Виторио Венето, фонтаната на Љубовта, катедралата….. Во попладневните часови организиран трансфер кон аеродромот во Бари. Полетување за Скопје во 18:30 часот, пристигнување во Скопје во 19.40 часот.