Состанок на групата на аеродром два часа пред полетување. Полетување со Turkish Airlines во 08:40 часот со број на лет TK 1004. Слетување во Истанбул во 12:15 часот и организиран трансфер од аеродром до хотел. Сместување во хотел. Во 14:30 часот организиран разглед на градот со стручен водич – пешачка тура: прошетка по Султан Ахмед Плоштадот и Византискиот Хиподром. Прошетка до Топ Капи Палатата (Султановиот дворец кој се верува дека се наоѓа на најдобра местоположба на Босфорот – музеј со непроценлива колекција на споменици и уметнички дела, во која е изложен мечот на пророкот Мухамед и најголемиот дијамант на светот); Џамијата Султан Ахмед наречена и Сина Џамија поради своите бои (сина, зелена и бела, последна импресивна градба на Отоманската религиска архитектура, единствена џамија со 6 минариња); Аја Софија (црква, џамија, музеј... и повторно џамија. изградена во 6-от век, подигната од византискиот цар Јустинијан); Базилика цистерна – музеј познат по своите столбови – во времето на Византија оваа подземна цистерна го снабдувала Цариград со вода. По пешачката тура следува 1 – часовно крстарење по Босфорот. Враќање во хотел. Ноќевање.

Појадок. Во 08.30 часот (факултативно) посета на Ортакој, една од најшармантните области во Истанбул, позната по бројните кафулиња, галерии, историски објекти. Посета на Ускудар, каде ќе може да се посети Кузгунџук во азискиот дел на градот, населена област со колоритни дрвени куќи, калдрма и, секако, омилено место за снимање турски серии. Посета на ридот Чамлиџа, едно од омилените места за рекреација на локалците, и кулата, од која може да уживате во прекрасен панорамски поглед на Босфорот. ПРЕДЛОГ - ДОЧЕК НА НОВА ГОДИНА на отворено, на некој од плоштадите на Истанбул (индивидуално). Факултативно, можност за гала вечера во ресторанот на хотелот. Ноќевање.

Појадок. Слободно претпладне за индивидуални активности како и одмор после новогодишната ноќ. Предлог – Посета на некој од познатите трговски центри, на пример Форум, со можност за посета на Аквариумот, шопинг во Капали Чаршија, една од најстарите и најголемите покриени пазари во светот со повеќе од 3000 продавници; посета на трговскиот центар Sapphire, сместен во највисоката зграда во Европа (236 m), со прекрасна панорамска глетка на Истанбул - Виртуелна прошетка низ Истанбул со хеликоптер во 4D кино; посета на Каракој - место со многу улички и кафетерии, една од нив е познатата улица на чадорите. Факултативно, организирана турска вечер на брод – ноќно крстарење по Босфорот со организиран трансфер до брод, вклучена вечера, пијалак и забава со ориентални танци. Враќање во хотел. Ноќевање.

Појадок. Одјавување од хотел. Во 09.00 часот (факултативно) Прошетка и посета на Балат и Пјер Лоти , една од најстарите и најспектакуларните области во Истанбул, препознатлива по историските градби и калдрмата. Посета и влез на Цариградската Патријаршија позната и како Вселенска Патријаршија, една од 14-те автокефални православни цркви. Посета на Галата Кула - средновековна кула сместена во населбата Галата во близина на Златниот Рог. Слободно време за ручек. Организиран трансфер до аеродром во 16:00 часот. Полетување за Скопје во 20:15 часот со број на лет ТК 1005. Слетување во Скопје во 19:45 часот.