Состанок на групата на Дрводекор околу 14:00 часот. Поаѓање околу 14:30 часот. Патуваме преку граничниот премин Табановце. Дневно и ноќно возење преку Србија, Хрватска и Словенија со попатни одмори.

Пристигнување во Трст во утринските часови. По разгледот на градот (околу два часа) упатување кон еден од најголемите шопинг центри во Италија – Palmanova Outlet Village (околу два часа). Сместување во хотел. Ноќевање.

По појадокот се упатуваме кон Верона – градот на Ромео и Јулија, започнува на плоштадот Бра каде се наоѓа надалеку познатата Арена, потоа следи прошетка по познатата улица Mazzini која низ центарот на градот води директно до плоштадот Ербе. Разглед на плоштадот “Dei Signori” каде се наоѓа статуата на Данте, а потоа се упатуваме во дворот на куќата на Јулија каде ќе можете да се фотографирате со статуата на Јулија. По слободното време продолжуваме кон најбајковитото место подигнато на обалата на езерото Гарда – Сирмионе. Сирмионе е град изграден на спектакуларна локација – на ртот на единственото полуостров езеро, Гарда. До сликовитиот град се доаѓа преку единствената тврдина на пристаниште, изградена по нарачка на семејството Скала. Следува разглед: Замокот Скалиџери, плоштадите Кастело и Порто Валентино, Катуловите термални купатила, вилата на Марија Калас. Овој монденски град е оаза на убавината и мирот, затоа не пропуштајте да уживате во погледот на најголемото езеро во Италија со врвен џелато (сладолед) и чаша одлично вино од локалните виногради. Слободно време за прошетка (во зависност од можностите). Во вечерните часови заминување кон хотелот. Ноќевање.

По појадокот посета на градот на модата Милано. Разглед на градот со водич: тврдината Сфорцеско, Piazza Duomo, централниот плоштад каде се наоѓа најголемата готска катедрала во светот, потоа одиме на Via Vittorio Emanuelle, најдобрата шопинг улица, Oktogon, односно галеријата Vittorio Emanuelle, каде се наоѓа 196 м долг покриен премин со многубројни продавници кој пак не води до зградата на Миланската опера, една од најпознатите оперски куќи во светот. Слободно време за шопинг и индивидуални прошетки низ градот кој е бисер на северниот дел на Италија. Во договорено време заминување кон хотелот. Ноќевање.

Појадок, и трансфер до пристаништето “Пунта Сабиони”. Превоз со брод “вапорето” до центарот на Венеција. Разглед на градот: плоштадот и црквата Св.Марко, Мостот на воздишките, Дуждевата палата, Прокуратите, Мостот Риалто, Каналот Гранде… Слободно време за индивидуални прошетки и уживање. Во договорено време враќање со бродот до Пунта Сабиони. Поаѓање за Скопје во договорено време. Патување преку Словенија, Хрватска, Србија. Пристигнување во Скопје во пладневите часови на 18.04 (вторник)