Состанок на групата на Дрво Декор во 18.00 часот. Поаѓање за Атина во 18.30 часот.Ноќно возење со попатни паузи поради одмор и царински формалности.

Пристигнување во Атина во претпладневните часови. Панорамско разгледување на градот (Плоштадот Омониа, Плоштадот Синтагма каде се наоѓа Парламентот и стражата на Евзони, Олимпискиот стадион, Зевсовиот храм, Хадријановата врата, Бајроновиот споменик, Националната библиотека, универзитет…) Факултативна посета на Акропол (Пропилеј, Партенон, Ерџтејон…) што во превод значи град на рид. Старото население поради одбрана бирало земјиште најчесто на ридови со стрмни страни и на таквите места се правеле тврдини во многу делови на светот кој потоа станувале центар на големи градови кои што се развивале. Многубројните освојувачи на Акропол извршиле измени на ова место.Сместување во хотел. Слободно попладне.Ноќевање.

Појадок. Факултативна посета на Пелопонез со водич.Се поминува Коринтскиот канал, кој го соединува Саронскиот залив на Егејското море и Лахејскиот залив на Јонското море од каде се оди до островот Пелопонез.Ќе имате можност да направите преубави фотографии од мостот над самиот канал. Се посетува и Епидавр или Епидариус (влезница 12 евра)- родното место на Асклепии, бог – лечител од митологијата. Тука се наоѓа и најубавиот антички театар со неверојатна акустика. Се продложува кон Нафплио – првата столица на новата Грчка држава познат и како градот на трите тврдини (средновековната тврдина Palamidi, древната тврдина Akronavplia, отоманската тврдина Bourtzi). Се посетува златниот град Микена (влезница 12 евра) – град на легендарниот цар Агамемнон, откриен од археологот Хајнрих Шлиман воедно претставува најважен археолошки објект во Грција. Ќе ја видите величестевната лавовска порта на влезот од микенската тврдина, руините од дворецот и царските гробници, како и гробницата на Агамемнон. Враќање во хотел во пополадневните часови.Вечерта околу 21:30 собир на групата пред хотелот и сите заедно се упатуваме во црква, да ја проследиме целосната церемонија за Велигден.По завршување на церемонија сите заеднички се упатуваме кон хотел.Ноќевање.

После појадокот одјавување од хотел и се упатуваме на полудневен излет со посета на пристанишното место Пиреја и нејзините Марини. Патувањето продолжува долж Аполоновиот брег до Сунион -нај јужниот ‘рт на Медитеранот каде се наоѓа Храмот на богот Посејдон.По завршување на екскурзијата се упатуваме кон Македонија.Пристигнување во Скопје во раните утрински часови на 17.04.- Понеделник.